Sabina
TULALA AKO matapos kong magdrama. Hindi naman ako umiyak pero kinailangan kong i-comfort ang sarili ko. Mabigat ang nararamdaman ko dahil sa mga narinig pero sinabi ko sa isipan ko na hindi ako iiyak sa ganito.
It’s okay, Sabina. This is just a heartache; you’ve been through hell. Hindi ito ang magpapaiyak sa ‘yo. Hindi isang lalaki.
Iyon ang paulit-ulit kong sinasabi sa aking sarili at effective naman siya dahil kinakaya ko. Kapag binabalikan ko ang mga nangyari sa buhay ko, ang sakit na nararamdaman ko ngayon ay parang kagat lang ng langgam.
Nate-tempt akong tawagan ang mga kaibigan o kaya ang pamilya ko, pero pinigilan ko. Hindi na dapat ako naghahanap ng comfort sa ibang tao. Dapat ay matutunan kong i-comfort ang sarili ko.
Ganoon man ay hindi ko mapigilang isipin kung sino
