One Night Mission

Mission 9

Habang naglalakad ako patungo sa opisina ni Boss Libra ay kapansin pansin ang ginagawang pag-iwas sa aking daan ng mga baguhang agent.

Para silang mga takot na kuneho na nagtatago sa isang leon. At sa pagkakataon na ito ay ako ang leon na iyon.

"What the f**k is their problem with me?” hindi kong natutuwang sambit na siyang lalong ikinataranta ng mga rookie agent sa aking paligid.

"Good morning, Agent Fang, " seryosong pagbati naman sa akin ni Agent Virgo at naramdaman ko pa ang kanyang pagtapik sa aking balikat, "Aga aga ay tinatakot mo yata ang ating mga rookie agent."

Lalo ako sa napasimangot sa kanyang sinabi. "Tss... Anong tinatakot ko sila?” naiiritang tanong ko, "Kita mong tahimik na naglalakad lang ako rito patungo kay Boss Libra."

Tinuro ni Agent Virgo ang magkabilang dulo ng kanyang mga kilay at hinila pataas ito.

"Kung hindi mo alam... Magmula nang dumating ka ay nakataas ang mga kilay mo na akala mo may kaaway ka na susugurin," pagpansin niya at ginaya pa ang ekspresyon ng aking mukha, "Kaya walang hangal na rookie agent ang susubok na salubungin ka sa oras na ito. Kahit papaano ay mahal pa nila ang mga buhay nila. "

Muling inilibot ko ang tingin sa aming paligid at talagang linis na ito na akala mo walang tao na nandito ngayon sa Headquarters.

Asar na napahilamos tuloy ako ng kamay sa aking mukha. Hindi ko namalayan na may ganoong ekspresyon ako magmula nang dumating ako. Hindi na tuloy nakakapagtaka kung bigla ako iwasan ng mga rookie agent. Lalo pa alam nila kung paano ako maglabas ng aking galit. Wala ako sinasanto sa mga ganoong sandali.

"f**k, f**k, fuck... " asar na bulalas ko na lang sa hangin.

Paano ba naman ay naalala ko ang babysitter nina Mael na siyang nagpapaiksi ng aking pasensiya sa mga sandali na ito.

Napahawak naman sa kanyang baba si Agent Virgo at ilang sandali na tinitigan ako sa aking mukha.

"Wow...This is new," nasisiyahang sambit niya, "Ngayon lang kita nakita nang ganito."

Sinamaan ko siya ng tingin. "Bakit tila natutuwa ka pa sa pagkainis ko sa oras na ito?" singhal ko sa kanya.

"Well, ito ang unang beses na nagka-emosyon ka na walang kinalaman sa hinahanap mong babae, " seryosong komento ni Agent Virgo bago naghalukipkip ng kanyang braso.

Sa pagbanggit niya sa bagay na iyon ay doon ko lang muli naalala ang tungkol sa babae ng aking misyon. Hindi ko akalain na sa sandali na nasa bahay ako ni Mael ay makakalimutan ko ang tungkol doon. Na mawawaglit sa isipan ko ang babaeng matagal ko ng hinahanap.

Nakapagtataka...

Napangiwi naman si Agent Virgo nang mapansin ang pagbago ng ekspresyon ko dahil sa pagbanggit niya sa bagay na iyon. Iniisip niya siguro na malaking pagkakamali na ipaalala sa akin ang tungkol doon.

"Hep, hep, hep! Huwag mo nang subukan na hanapin si Agent Venom," biglang pigil sa akin ni Agent Virgo sa anumang binabalak ko na gawin, "Dahil hindi mo na siya makikita ngayon sa Headquarters. Agad kaya siya tumakas pagpasok na pagpasok mo pa lang sa pinto."

Napasimangot naman ako sa ginawang pagtakas na iyon ni Agent Venom. "Tss. Isa pa naman siya sa dahilan ng ipinunta ko rito..."

Seryosong tinitigan muli ako ni Agent Virgo. "Hay naku, Agent Fang... Hindi ka ba naaawa kay Agent Venom? Hanggang kailan mo ba siya balak kulitin diyan sa paghahanap sa babae mo limang taon na nakakaraan?” dismayadong tanong niya.

Natigilan ako ng ilang sandali bago iniling ang aking ulo para itanggi ang kanyang iniisip sa pakay ko kay Agent Venom.

"Nagkakamali ka. Hindi sa oras na ito. Sa katunayan ay may ibang tao ako nais na pa-imbestigahan sa kanya."

Sa sinabi ko na iyon ay tila nakuha nito ang kakaibang interes ni Agent Virgo. "I-Ibang tao?” gulat niya pang tanong, "May ibang tao ka na nais na pa-imbestigahan? Seryoso na ito?”

Sinamaan ko siya ng tingin dahil gulat na gulat siya. "Tss... Bakit ganyan ang reaksyon mo? Tsaka may nakakagulat ba roon?” asar na tanong ko sa kanya, "Trabaho natin bilang agent ang mga ganitong bagay. Kaya ano ngayon kung magpaimbestiga ako sa isang tao? "

"Well, well, well, nitong limang taon ay isa lang ang bukambibig mo... Iyon ay kundi hanapin ang misteryosang babae sa misyon mo... " pagpapaalala ni Agent Virgo sa akin, "Kaya kahit sino ay magugulat kung may ibang tao na makakakuha ngayon ng iyong atensyon. Kung nandito lang si Boss Libra ay baka magpahanda pa iyon ng garbo."

Naghalukipkip ako ng aking braso at tinignan siya ng matalim. "Tss.. Ginagawa niyo naman ako isang baliw."

Ngumisi naman si Agent Virgo. "Crazy? Nope. Just stupid in love."

Lalo ko siya sinamaan ng tingin. Pasalamat siya wala akong punyal na dala kundi ay kanina pa ito bumaon sa madaldal na bibig niya.

Pabirong itinaas ni Agent Virgo ang kamay niya sa ere na akala mo sumusuko sa mga pulis. "Since wala naman si Agent Venom, kung gusto mo pwede naman ako ang humawak sa imbestigasyon sa taong gusto mo pa-imbestigahan, " pagboluntaryo niya na lang pero hindi nabubura ang kakaibang ngiti sa labi niya.

Napaisip naman ako ng ilang sandali at inisip kung ipagkakatiwala ko nga na sa kanya ang imbestigasyon na ito. Ngunit bilang pumapangalawang pinakamagaling na secret agent ng NIA ay mas maganda siyang option kaysa kay Agent Venom.

"Fine," pagsuko ko, "Doon tayo sa aking opisina."

Malawak na ngumiti muli si Agent Virgo na tila ba hindi niya inaasahan ang pagpayag ko. "Woah... Ano ba ang kinain mo ngayon? Aba kung lagi kang ganito ay lagi ko iyon ipapakain sa iyo, " litanya pa niya.

Mula sa sinabi ni Agent Virgo ay bigla ko tuloy naalala ang masarap adobo na niluto ng babysitter. Iyon lang kasi ang tanging kinain ko bago magtungo rito. Ngunit dahil sa muling pagwaglit sa isipan ko ng babysitter ay lalo ako napasimangot.

"Tch. Tigilan mo ko sa mga kalokohan mo, " asar na asar pagsuway ko sa kanya, "Susunod ka ba o hindi?”

"Siyempre susunod."

Hindi nagtagal ay nakarating na nga kami sa loob ng aking opisina. Sa totoo lang ay hindi na ito mukhang opisina sa dami ng nakatambak na papeles. Ilang taon na rin ako hindi na namamalagi rito at gumagawa ng kahit anong trabaho.

"Shet Agent Fang... Wala ka bang balak na ipalinis itong opisina mo?" singhal ni Agent Virgo dahil sa wala na siyang maupuan sa dami ng mga nagkalat na papeles.

"Tss for what? Hindi naman ako nagtatagal dito, " paliwanag ko naman.

Napailing na lang ng kanyang ulo si Agent Virgo at tinulak ang ilang papeles para makaupo siya. Alam niya kung gaano katigas ang ulo ko kaya kahit sabihin niya na ipalinis ko ito ay hindi ko rin naman iyon susundin.

"Okay... Who is the lucky person you want me to investigate?" seryosong pagpapasimula niya ng aming pag-uusapan.

Humugot ako ng malalim na hininga bago inilabas ang dala kong brown envelop.

"Her name is Azaleah Isabedra, she is currently working as a babysitter of my friend Ismael Alcazar's children, " pagbibigay alam ko.

Napakunot ng noo si Agent Virgo. "Gusto mo pa-imbestigahan ang babysitter ng mga inaanak mo?” hindi niya makapaniwalang sambit, "Sa anong kadahilanan? Bakit? May malaki ba siyang atraso sa iyo?”

Naghalukipkip ako ng aking braso saka sumandal sa aking inuupuan.

"Tss. Siguro sinabi na sa iyo ni Boss Libra na may hinahawakan ako na mission ngayon. And that mission is to protect Ismael's wife and children... " seryosong sambit ko, "At sa ilang araw ko pamamalagi sa bahay nila ay suspicious ang mga kilos ng babysitter na ito."

"Really?” hindi makapaniwalang sambit ni Agent Virgo at tinitigan ang picture ng babysitter, "Tingin mo ay may kinalaman sa misyon mo ang babysitter na ito? Na may kakayahan ito na saktan ang asawa at mga anak ni Mr. Alcazar?”

"We never knows. Minsan ay hindi natin makikita ang tunay na kulay ng isang tao mula sa panlabas nilang anyo. Kaya gusto ko pa-imbestigahan siya. Wala naman masama kung sakali wala tayo makita na mali sa background niya. Just to make sure na katiwa-tiwala siya, " patuloy na pagpapaliwanag ko.

Tinitigan ng ilang sandali ni Agent Virgo ang hawak niyang papel bago na maingat na ibinalik ito sa brown envelop.

"Okay, I'll do this. Expect in the next two days I will have my full investigation on her."

"Thank you, Agent Virgo. I will expect your report in two days."