EDNALYN
Nang mawala sa paningin ko si Speed hinanap ko si Sir Everette. Baka narito pa at nag-iikot lang sa loob. Ngunit nauna ko pang makita si Merlyn, tila hinahanap din ako nito kaya tinawag ko ito.
“Besh, dito,” tawag ko sa kaibigan nang makita ko.
Nakatayo ako sa tabi ng liquor stand iyon kasi ang malapit sa cashier. May kalakasan din ang boses na tinawag ko siya. Lumingon-lingon ito sa paligid hinahanap ang boses ko. Nang makita ako ay matamis agad ang ngiti na gumuhit sa labi nito.
Malayo pa lang ay nakangiti na ito sa akin hanggang sa nasa tapat ko na ‘to ay hindi nalusaw ang saya sa labi nito.
“Masaya ‘ata,” parinig ko na ikina hagikhik lang nito.
“Nakita ko kasi si Dennis Trillo, beshy. Kasama ang Misis niya narito nag-grocery din. Grabe ang ganda at g'wapo pala talaga ni D
