KABADO ako habang pabalik sa opisina. Inihatid ako ni Jeff pero, pinaalis ko rin agad siya pagkatapos.
Halos hindi ako nakakain nang maayos kanina. Wala namang masamang sinabi si Trisha bago niya kami iwan ni Jeff pero, kita ko sa mukha niya na nagulat siya sa nalaman.
I am worried about her. Umalis siyang hindi kami nakapag-usap. Hindi ako nakapagpaliwanag sa kaniya.
Paglabas ko ng elevator ay nasalubong ko ang assistant ko. Nagtataka ang tingin na iginawad niya sa akin.
“Miss Annie, narito ka na agad? Ang bilis naman po ng lunch date n’yo?”
“Lunch date? Sinong ka-date mo, dear?” tanong na nanggaling kay Lulu.
Napatingin ako sa kaniya. Balot ng curiosity ang mukha niya habang nakamasid sa akin. Hindi ko naman malaman ang isasagot. Ramdam ko ang biglaang panlalamig ng buo kong kat
