Halos dalawang linggo ang lumipas na hindi lumabas ng bahay si Alison. Kahit pa palagi siyang dinadalaw nina Duke at Lara at niyayang lumabas ay palagi niyang tinatanggihan. Kahit si Dale ay hindi siya mapilit na sumama rito minsan para maglibang.
Hanggang siya na mismo ang mapagod. Naisip niya na dahil sa ginagawa niya ay mas lalo lang niyang pinahihirapan ang sarili lalo na ang asawa. Naaawa na rin siya rito. Wala itong ginawa kundi alalayan siya at laging alalahanin ang kalagayan niya sa kabila ng napakarami nitong trabaho. Ayaw niyang maging pabigat sa asawa. Hindi lang siya ang nawalan kundi pati ito. Naisip niya na sa ginagawa niya ay nagiging makasarili siya. Masyado siyang naka-focus sa sariling lungkot at nakalimutan na ang nararamdaman ng asawa na tulad niya ay nalulungkot din a
