Halos madurog ang cellphone ni Dale nang pabalya niyang ibinato ito pagkatapos na makausap si Alison. Taas baba ang dibdib niya sa galit na nararamdaman.
Muli niyang dinampot ang mga larawan na nakalatag sa table niya. Kadarating lang niya galing Batangas mula sa mahigit dalawang linggo niyang pananatili doon mula nang huli silang mag-usap mag-asawa. Dumiretso siya sa kanilang bahay pero hindi niya nadatnan si Alison. Unang bumungad sa kanya ang balita mula sa kanyang abogado tungkol sa annulment nila. Pagkatapos ay ang mga larawan naman na halos kadarating lang na kuha ng asawa na may kasamang ibang lalaki.
Sa unang larawan ay nakatalikod si Alison habang kaharap ang kaibigan nito na minsan nang ipinakilala sa kanya bilang si Brylle. Halos magdikit ang mga mukha nila na animo’y pinupu
