Pagbaba ko sa first floor ay nakita ko ang dalawang taksil na ngayon ay nakikipag away sa isa naming kasambahay.
Hindi ko alam kung ano ang nangyari kaya kaagad akong lumapit upang malaman kung ano ang dahilan.
"Ano ang nangyayari rito?" striktong tanong ko.
Natigilan naman ang lahat nang ako magsalita. Ang dalawang kasambahay ay nagtuturuan kung paano nila ipapaliwanag ang nangyari sa akin dahil kitang-kita ko kung paano sila sumulyap sa akin at magbulungan habang nagtutulakan.
"Ano ang nangyari?" tanong ko sa kanila.
"Iyan kasing mga kasambahay, hindi kami pinaghandaan ng pagkain. Gutom na gutom na kami—"
Sinulyapan ko ang babaeng sumagot kahit hindi naman siya ang aking tinatanong. May dila naman pala siya kung hindi ko siya kinakausap pero kapag kinakausap ko siya, nawawalan siya
