"Bakit ang haba naman ng nguso mo? Ano naman ang problema mo? Debbie, pwede ng sampayan ng hanger iyang nguso mo," natatawa na sabi ni Carmela habang nag-tanghalian kami.
Ang ganda ng mood ko kanina kaya nga Andrei ang naitawag ko sa kanya instead na Chandrei. Nalusaw na parang yelo ang mood ko at biglang naging mainit na tubig. Hindi ko alam kung bakit ako naiinis sa kanya. Dahil ba bigla na lang siya nag desisyon ng hindi man lang iniisip ang nararamdaman ko o dahil alam ko na wala akong magagawa kung hindi ang sumunod. Okay na ang pag-uusap namin last time tungkol sa birthday ng Lola niya. Ipapasundo niya ako a day before the event para makapag-pahinga na muna ako bago ko makilala ang pamilya niya. Nag-iisip na nga ako ng idahilan ko sa Boss ko kapag nagpaalam na ako pati na rin kay Pa
