"Ano ba ang drama mo, Debbie? Hinay-hinay ka lang at baka malasing ka na naman," sabi ni Laraine pagkatapos ko straight na inumin ang alak sa baso.
Nang yayain ako ni Carmela kanina na kumain ay naisipan namin na tawagan si Laraine. Kagagaling lang niya sa isang conference at isang linggo siya nawala. Tuwang-tuwa naman siya at napagkasunduan namin na sa bahay na sa bahay na lang nila kami pumunta. Wala kaming pasok bukas dahil may aayusin sa stock room. Tama-tama ang timing dahil gusto ko rin uminom para panandallian na mawala sa isip ko ang lahat ng gumugulo sa akin. Pakiramdam ko kasi para akong bulkan na anytime ay pwede nang sumabog.
"Ang OA mo Laraine pang Ilan pa lang kaya ito," natatawa na sabi ko.
Bago kami pumunta ay tinawagan ko muna si Papa at pumayag naman siya. Naisip sigu
