"Nakapag-desisyon ka na ba?" tanong ni Carmela habang kumakain kami ng lunch.
"Binasa ko ulit ang nilalaman ng kontrata at inisa-isa ko para wala akong makaligtaan. Baka mamaya sa pagmamadali ko pagdating ng panahon ay talo pa ako sa usapan na ito. Naglagay rin ako ng notes para makita niya ang mga gusto ko baguhin at idagdag kapag binalik ko na sa kanya. If ever na gagawin ko ito ayaw ko naman na dehado pa ako sa huli. Hindi porke tutulungan niya si Kuya ay susunod ako sa lahat ng gusto niya," tugon ko at natatawa napailing lang siya.
"Kung ako lang talaga ang nasa kalagayan mo ay jusmiyo marimar walang patumpik tumpik na pirmahan ko iyon contract. Hinding-hindi ko palalampasin ang pagkakataon na ito. Saan ka pa matangkad,magandang lalaki, maganda ang katawan at mayaman. Kahit ano pa si
