"May problema ba, Debbie?" tanong ni Papa.
Pagdating ko sa bahay ay natulala na lang ako pag-upo ko dahil pakiramdam ko ay pinagsakluban ako ng langit at lupa. Hindi ko akalain na ang tao na pinagkatiwalaan ko ay magagawa akong lokohin. Sinamahan ako ni Laraine sa kaibigan niya na ahente ng lupa. Nagpatulong ako sa kanya na isanla ang property ni Papa para magamit sa pagbabalik ng pera na ninakaw ni Kuya sa kumpanya. Isa iyon sa paraan para makakalap kami ng malaking halaga. Ang sabi ni Ate Celine may laman pa ang account nila kaya kahit paano ay malaking halaga ang maibabalik namin. Pero lahat ng plano namin ay nabalewala. Hindi lang galit ang nararamdaman ko ngayon pati na rin hiya. Ang mga papel na hawak ko ay puro fake at alam ko kung sino ang may kagagawan noon. Alam ni Kuya ang tung
