CHAPTER 23
“SINO IYON? Si Younhee?” tanong ni Max kay Marra nang matapos ang tawag ni Younhee sa kaniya. Katabi niya ito habang nakaupo sila rito sa rooftop. Ngayon lang din niya nalaman na mayroong mga upuan dito na ang Diamond13 ang naglagay noon pa. Ayon dito kay Max ay dito nag-hahang-out ang mga ito sa tuwing free time o kung may okasyon na gustong i-celebrate.
Wala namang mga taong makakaakyat doon dahil ang buong dorm naman nila ay napapalibutan ng mga security guard kaya kampante ang mga ito kung sakaling doon man tumambay.
“Oo. Nakauwi na raw siya,” sagot niya rito.
“Ayaw mo pang matulog?”
Umiling siya. “Ayoko pa. Hindi pa naman naalis ng sakit ng ulo ko. Pakiramdam ko ay parang sasabog pa rin ang ulo ko sa sobrang sakit. Ininuman ko na ito ng gamot ngunit wal
