Chapter 15
Aki's POV
"Ano ka ba naman, Akira? Kanina pa tayo practice nang practice rito hindi mo naman makuha-kuha 'yong steps. Parehas yatang kaliwa ang paa mo e!" pagmamaktol ni Aimee.
Alam ko namang kanina pa siya naiirita sa akin dahil hindi ako makasabay-sabay sa galaw nila. Kung hindi nauuna ay nahuhuli akong gumalaw.
Perfectionist pa naman 'tong Aimee na 'to. Ayaw niyang isa sa section namin ang sisira sa grand cotillion dance namin bukas.
Ngayong araw ay pinayagan kami ng class Adviser naming mag-practice lang. Ang ilan sa amin ay hindi pumasok para siguro maghanap ng mga gagamitin nila para bukas.
Mamayang hapon ang pinaka-final practice namin as a whole. Excited na tuloy ako para mamaya dahil makikita ko si Murfin at ang kambal sa uma.
"Pasensiya ka na, Aimee... Medyo puy
