"JEX," bulong niya. Pinagpapawisan siya habang bibiling-biling ang ulo sa kama. Animo binabangungot ito. "H-hindi. Jex, anak..."
Mahihinang tapik sa pisngi ang gumising kay Aleli mula sa masamang panaginip. "Jex," Muli niyang tawag sa anak. Maaamang masama ang laman ng kaniyang panaginip. Parang totoo iyon at hanggang ngayo'y parang pinipiga pa rin ang puso niya. Jex left her in the middle of the dark. Magkahawak-kamay silang mag-ina nang biglang lumakas ang hangin at dumilim ang paligid. At bumitiw si Jex sa kaniyang mga kamay at tila hinigop ng kadiliman. God, my son! Bumalikwas siya nang bangon nang hindi sinasadyang mahilo at muling nag-ikot ang paningin. Muli siyang bumagsak sa kama.
"Huwag ka munang magkikilos, baka mapaano ka nanaman." Tinig ni Courtney. Noon lang niya napansing
