CHAPTER 22
Conscience
NAGPAPANTASTIKUHANG tumitig si Seth kay Clint. Gusto niya itong alugin at baka nauntog ito at naapektuhan ang utak.
“ Are you out of your mind, Clark? Aampunin mo ang anak ng yumaong dancer sa club? ” gilalas na tanong ng binata sa kaibigan.
Hindi ito lubos makapaniwala na handang maging single dad ang kaibigan niya, at sa hindi pa nito anak.
“ Hindi ko rin maintindihan ang sarili ko, Seth. Pero nang makita ko ang bata, parang… ” lumunok siya nang biglang nagbara ang lalamunan niya. Bumibigat ang dibdib niya sa tuwing naaalala ang anak ni Aleli. At ang dalaga. Ang pagkamatay nito sa isang car accident. Parang sinasaksak ng paulit-ulit ang puso niya.
Hindi niya mabatid kung bakit ganoon na lamang ang nararamdaman niya pagdating sa mag-ina. Lihim na nagluluksa
