Sunod-sunod na tunog ng doorbell ang gumambala sa mahimbing na tulog ni Dominique. Napaungol siya at kinapa sa kaniyang tabi si Clark. Wala ito. Agad siyang nagmulat. Nataranta siya't napabalikwas ng bangon. Ngunit nang marinig ang lagaslas ng tubig sa loob ng banyo ay agad na napawi ang kaba sa dibdib. Gosh! Natatakot siyang paggising niya'y mawala na si Clark sa kaniya. Sa loob ng halos mahigit limang taon ay nabuhay siyang puno ng pangamba at takot. At hindi siya matatahimik hanggang hindi sila naikakasal ng nobyo.
Napasimangot siya nang ayaw tantanan ng makulit na panauhin ang doorbell. Susuray-suray siyang bumaba sa kama at isinuot ang slippers.
"Sandali!" bulyaw niya habang tinutungo ang main door. "Ano ba?!" Pabalya niyang binuksan ang pinto.
Ngunit ang galit ay napalitan ng p
