MALAMLAM ang mga matang tumitig siya sa full length mirror sa silid. Muli na naman niyang napagmasdan ang kaniyang mukha. Maganda siya noon pero hindi maitatatwang mas maganda pa siya ngayon. Mas makinis na. Walang ni anumang peklat o galos na mababakas dulot ng malagim na aksidenteng kaniyang pinagdaanan isang taon na ang nakalipas. Walang galos at marka sa katawan dulot ng sunog. Ngunit lahat ng pilat ay nasa puso niya. Kung pilat na nga ba talaga ang mga sugat ng kahapon. Dahil pakiramdam niya, sariwa pa rin ang mga sugat doon. Nagdurugo pa rin ang puso niya pero pilit niyang itinatago.
Napabuntong hininga siya. Kung sana'y kaya rin ng medisina at siyensya na gamutin ang mga pilat at sugat sa puso niya. Kung sana kaya ng dalubhasa niyang Doktor na burahin ang marka na dulot ng trahedy
