"DADDY!"
MALAYO pa sa pampang ay dinig na ni Clint ang boses ng anak. Nagtatalon ito habang papalapit sa gilid ng dagat ang bangkang sakay nila ni Mang Pilo. Kinawayan niya ito.
"Jex!"
"Marami kang huli, daddy?!"
Hindi na makapaghintay ang anak at hindi pa siya tuluyang nakakababa ng bangka ay patakbo nang lumusong sa hanggang tuhod na tubig para mag-uusisa sa loob ng bangka.
"Hay naku, Jex, sandali at baka madapa ka!" Natatarantang si Tess na pilit inaabot ang makulit na bata.
"It's okey, Tess. Mababaw lang ang tubig," awat ni Clint sa yaya ng anak at mabilis na binuhat ang bata at isinampa sa bangka.
"Wow! Ang daming isda. Ang lalaki pa!" Palatak nito.
Napangiti siya. "Of course, hijo. Daddy caught them for your nanay Pacing. Hindi ba sabi mo, lagi siyang nauubusan ng pa
