SERYOSONG SERYOSO si Elaine habang hinuhugasan sa lababo ang karneng iluluto niya para sa hapunan. Bigla siyang nakaramdam ng pagkabagot sa pagkukulong sa silid maghapon kaya napag-isipan niyang magluto. Pinipigil siya ni Manang Minda, ang kawaksi ng mansyon pero hindi siya nagpapigil.
"Naku, ma'am, sigurado ho ba kayo sa gagawin ninyo? Baka ho..."
"Baka pumalya ako sa pagluluto, ganoon po ba, manang? Ngayon lang ho ako makikialam sa kusina pero sigurado ako sa ginagawa ko at alam kong magluto kaya wala po kayong dapat ipag-alala."
Natatawa't naiiling niyang ipinagpatuloy ang ginagawa. Hindi niya napansin ang pagtataka sa mukha ng katulong.
Hindi naman kasi talaga nakikialam sa kusina ang tunay na Elaine Madrigal Villasis. Noong nabubuhay pa ito ay puro shopping ang alam, magpaga
