CHAPTER 26
HINDI alam ni Clint kung pagagalitan ba niya si Lani dahil sa pangingialam nitong patirahin ang asawa ni Amante Villasis sa Chateau. Liban sa kaniya, hindi niya inilihim sa babae ang dahilan kung bakit sagrado para sa kaniya ang lugar na iyon. Dahil sa mga alaalang iniingatan niya at ayaw niyang pakawalan, kahit na ilang taon pa ang lumipas.
“ Ginagawa ko ito para sa iyo, Clint. Kailangan mo nang makawala sa alaala ni Aleli. Bakit hindi ka tumingin ng iba? Maraming babae, Clint. Panahon na para kalimutan mo ang nakaraan. ”
“ Bakit, Lani? Isa ba ang asawa ni Don Amante ang puwede kong ipalit kay Aleli? Sana ipinaalam mo muna sa akin bago mo ipinagamit sa kaniya ang Chateau. ”
Hindi nakaimik si Lani sa magaspang na sinabi ni Clint.
“ I'm very disappointed on you, Lani. ”
