"You ready, baby?" Mishari asked outside the bathroom door.
Mas lalo pang kumabog ang dibdib ko dahil sa tanong niyang iyon. Parang gusto ko na lamang maiwan dito sa unit niya, o kaya ay umuwi na lang sa amin.
Hindi ko alam kung kaya ko ba na sumama sa kaniya ngayon para makipag-dinner sa pamilya niya.
Okay naman ako kung sa mommy lang niya, eh. O kaya ay kay Ate Cath or sa lola niya. Pero sa daddy niya? Ngayon pa lang ay pinanghihinaan na ako ng loob na humarap sa kaniya.
"Jill, baby, is everything okay?" Muling tanong ni Ari kasabay ng mga katok sa pintuan.
"Yes, baby. Wait up! Hindi pa ako tapos," pagsisinungaling ko.
Kanina pa ako tapos mag-ayos ng sarili ko. Actually, handa na akong lumabas dito sa banyo para makaalis na kami at mapuntahan na ang pamilya niya. Ngunit bigla akong
