Pabalik-balik ako sa harapan ng salamin dito sa kwarto para suriin ang hitsura ko. Sinisigurado ko lang kung mukha ba akong presentable sa suot kong kulay itim na slacks at white collar long-sleeve.
Hindi ako mapakali dahil sa kaba. Ito na 'yong unang araw ng OJT at kailangan ay naka-corporate attire kami dahil ni-required iyon ng company. Siguro, para ma-feel talaga namin na magta-trabaho na talaga kami do'n.
Mabilis kong dinampot ang cellphone na nasa kama nang tumunog iyon. Nakita ko ang pangalan ni Jeric kaya mabilis ko itong sinagot.
"Saan ka na, girl? Naka-ready ka na?" Pambungad na tanong niya sa matinis na tono. Mararamdaman mo talaga ang excitement sa tinig nito at para bang nakikita ko na din ang hitsura niya sa imagination ko.
"Yes, ready na. Pero nasa bahay pa ako. Ikaw ba?
