Ilang sermon ang narinig at inabot ko sa Manager bago ako pinayagang ma-undertime. Sanay na akong masermonan at masabihan kaya hindi ko na masyadong dinamdam iyon. Pero noong una ay naiiyak ako kapag pinagsasabihan pa ako. Sabi nga no'ng mga kasamahan ko sa trabaho, ipasok sa isang tenga at ilabas sa kabila na siyang madalas nilang gawin.
Tinanggal ko ang apron at inayos ang sarili pagkalabas ko sa office ng Manager namin. Nadatnan ko si Leah na nakahalukipkip at mukhang naghihintay sa akin sa changing room.
"Iyon 'yong boyfriend mo, Jillian?" Taas kilay niyang tanong. Tumango ako. "Maganda naman ako, ah? Bakit hindi ako nakakatagpo ng mga katulad niyang gwapo? Lahat yata ng mga gwapong kilala ko, taken na. O kung di naman eh, malandi pa sa akin." Umirap ito saka ngumuso at pabagsak na u
