Nakikipag-kuwentuhan ako kay Cecille at Berong sa sala habang nagme-meryenda at naghihintay sa pagdating ni Ari. Nag-order ako ng pizza para may meryendahin kaming tatlo. Hindi pa din umuuwi si Ellie at pare-pareho naming hindi alam kung dito ba 'yon uuwi ngayon.
"Pupunta ba dito si Mishari, Jill?" Tanong sa akin ni Berong na nakaupo sa pahabang sofa. Nasa tabi naman niya si Cecille na abala sa pagkain ng pizza.
"Oo, susunduin niya kasi ako." Ngumiti ako. Sinipat ko din ang oras sa cellphone na hawak ko at nakitang mag-a-alas kwatro na. Siguro ay hindi pa tapos ang klase niya.
Medyo madilim ang paligid dahil sa makakapal na ulap na namuo sa itaas. Mukhang bubuhos ang ulan anumang oras ngayon. Medyo mainit ang panahon kanina kaya siguro biglang kumilimlim ang kapaligiran ngayon.
"Ah, ak
