DIANE POV
Gabi na at nandito na kaming dalawa ni Denver sa condo unit kung saan kami titira. At hindi kagaya ng kanina, ngayon ay balik kami sa dating gawi. Wala na naman kaming pansinan, kanya kanya pa kami ng luto ng pagkain. Hays! Bakit naman kasi ako pa ang nalagay sa sitwasyon ni Rose.
Kung di sana siya tinanan ni John, malamang ay kasal na kaming dalawa. Ang ending tuloy, ako ang naiipit sa sitwasyong ito. Nandito ako ngayon sa sofa, tamang nood lamang sa tv dahil gusto ko sanang magpalipas ng oras.
Maya maya pa, pumasok sa loob si Denver dala ang kanyang wine. Malamang nagsawa na siyang tumambay sa balcony kaya bumalik siya dito sa loob. Naupo siya pero dedma lang ako sa kanya. Naiinis din kasi ako ng slight dahil grabe siya kung makipag sagutan sa papa niya kanina sa mansyon.
