Hindi ko alam kung ano ang iisipin habang naglalakad kami paakyat sa bundok. Hindi lang naman kaming tatlo ang tao dito pero mukhang kami na ang huling aakyat dahil narinig ko na ayaw ni Justin na sobrang daming kasabay sa pag-akyat.
Para sa kanilang lahat ay hindi mataas ang aakyatin namin dahil sanay na sila. Pero para sa akin ay parang hindi ko kakayanin na akyatin kahit na kalahati lang nitong bundok na aakyatin namin!
“Is it your first time to hike, Architect Romualdez?”
Isa sa pa sa kinaiinis ko ay sa halip na si Justin ang makausap ko ay itong kliyente nila ang tanong nang tanong at nakikipag usap sa akin. Si Justin ay nauuna sa paglalakad. Minsan ay naririnig kong tumutunog ang phone niya at sinasagot niya ang tawag ng kung sinu-sinong tumatawag sa kanya kaya naiiwan ako parati
