"Ano pa ba ang kailangan mo sa akin? Hindi pa ba sapat na ikaw na ang pakakasalan ni Roberto?" tanong ni Sonia nang magharap sila ni Mameng.
"Hindi ako makasisiguro na pakakasalan nga ako ni Roberto habang nariyan ka lang sa paligid. Hindi ko hahayaang maging bastardo ang magiging anak ko." Hinawakan ni Mameng ang sariling tiyan.
"Wala kang dapat ipag-alala. Ayaw ni Ina na magkaroon pa ako ng ugnayan kay Roberto at sa mga Alvaro matapos nila akong insultuhin. Kung wala ka nang ibang sasabihin pa, babalik na ako sa bahay."
"Hindi pa tayo tapos," pigil ni Mameng kay Sonia, hinawakan nito sa braso ang dalaga.
"Ano ba ang problema mo?" naiinis na wika ni Sonia.
"Sumama ka muna, nais ko lang magkaroon na ng tuldok sa pagitan ninyong dalawa," aya ni Mameng.
"Hindi ko maunawaan kung ano pa
