Lumipas ang ilang araw, linggo at buwan, ngunit hindi pa rin nahahanap si Sonia. Kung saan-saan na nakarating ang pamilya nito subalit wala pa ring makapagsabi kung nasaan o ano na ang nangyari sa anak.
Ayaw maniwala ni Aling Dela na kinuha ng kung anong nilalang ang kanyang anak kung kaya't nakararating pa sila sa kabilang ibayo para mahanap ito.
Napasalampak sa kalsada si Aling Dela. Pagod na pagod na ito kalalakad sa paghahanap sa anak. "Saan ba natin hahanapin ang Ate mo?"
Napaupo rin si Sabel sa tabi ng ina. "Ina, hindi ko rin po alam, pero hindi po ako susuko. Alam kong mahahanap natin siya."
Tumunog ang kampana sa kapilya malapit sa plaza ng kapitolyo. "Dito nga pala gaganapin ang kasal nina Kuya Roberto at Mameng ngayon. Mukhang malapit nang magsimula ang seremonyas."
"Huwag
