Naging usap-usapan ang kalagayan ni Sonia sa buong isla. Marami na ring kasinungalingan ang kumalat upang sirain ang pagkatao ng walang malay na dalaga. Tulala pa rin ito at hindi makausap.
"Ate, kumain ka na..." pilit ni Sabel sa kapatid. Hawak nito ang isang kutsara ng mainit na sabaw. Hindi man lang lumingon o nagbuka ng bibig si Sonia. "Ate, pakiusap, bumalik ka na sa amin..."
"Hayaan mo na muna ang Ate Sonia mo. Mamaya, tawagin mo ulit si Mang Tano. Wala na halos kinakain si Sonia." Napaupo sa upuang kawayan si Aling Dela, nagpunas ng luha na naglandas sa pisngi nito. "Bakit sa atin pa ito nangyayari? Napakabait na bata ni Sonia para siya pa ang magkaganyan."
Lumabas ng silid ni Sonia si Sabel saka isinara ang pinto nito. Naupo ito sa tabi ng ina. "Wala po bang epekto ang asin na n
