THE LAST PETAL

Chapter 2

Chapter 2

Clovett POV:

"You! Anong ginawa mo? My goodness my baby Lexus, bakit mo nilapastangan ang baby ko ha?" galit na tanong nito sa akin habang may hawak na milk tea sa kanyang kaliwang braso.

Hinawi ko ang mahabang buhok ko na nakatabing sa mukha ko at pinagtitigan ang lalaking kulot ang buhok, matangos ang ilong, at may hikaw sa may gilid ng kanyang kaliwang kilay. The heck meron din sa kanyang tenga pero isa lang.

Paano ko makikita na kahit gabi na eh nakatapat ang poste ng ilaw kung saan kami at kumikinang ito.

"Ikaw ba ang may-ari nito? Ikaw ba ang sigang driver na akala mo naman pagmamay-ari niya itong kalsada?" tanong ko sa kanya habang nakapamewang.

"Oo at kanina pa kita tinatanong kung ano ang ginawa mo sa kanya? Tingnan mo nga, ang gwapo nito kanina tapos ngayon! Winasak mo ang puso niya." matalim itong nakatitig sa akin at hinimas ang kanyang sasakyan bandang side mirror na sinaktan ko kani-kanilang lang. Gusto ko tuloy masuka dahil sa pinagsasabi nito at tawag niya sa kanyang ba..by..eww.

Habang ang kasama niya ay tumatawang mag-isa habang chinecheck niya rin ang sasakyan habang may ice cream na hawak at chichirya.

"Yan banda lang ang napuruhan pare." Aniya.

Lumipat na naman ang mata ng driver na ito sakin, tiningnan ko rin siya ng masama. "Eh tingnan mo rin itong damit ko? Kung hindi sa tulad mo na parang may-ari ng daan na kung makaharurot ay wagas at nag-iingat lang eh di sana hindi nagkaganito ang damit ko na kakabili ko lang noong isang linggo tapos.. tapos..grrr..Ikaw ang may kasalanan nito!" galit na sabi ko sa kanya. Walang pakialam sa mga taong nakakarinig ng bardagulan naming dalawa.

"Bakit inaano ba ng sasakyan ko ang damit mo ha?" Tanong nito at lumapit sa akin nakayuko at pilit hinahanap sa damitan ko kung ano ang sinasabi ko kanina.

"Bulag ka ba at hindi mo nakita ang putik sa daan at ako? May signboard ng nakalagay tapos doon ka pa talaga dumaan. Tingnan mo oh oh.." saad ko habang inaangat ang damit ko para makita niya ang dumi.

Pero nanlaki lamang ang mga mata niya dahil sa pag-angat ng damit ko, hinawakan niya ako sa may pulsuhan at pilit na binaba ang damit ko.

"Ano ba? Nakita mo na ba ang dumi dahil sa kagagawan mo? Kung hindi dahil sa iyo hindi nagkaganyan ang damit ko. Ang dumi dumi na, hindi lang isa. Halos lahat napuno na ng putik, hay naku.." naiinis ko na sabi sa kanya.

Pinatalikod niya ang kasama niya at binaling ang atensyon ulit sa akin, "ibaba mo nga ang damit mo," utos niya.

"Nakita mo na ha? Nakita mo?" pilit ko parin pinapakita sa kanya ang damit ko at pilit niya rin itong binababa.

"Oo na, nakita ko na, damn women wag mo na ngang inaangat yang damit mo, kitang-kita ko na ang baby pink bra mo," s**t lang, wala yon sa sarili ko ah. Ang nasa isip ko na may pang loob ako na sando kaya inaangat ko ang damit. Basa pa pala ang nilabhan ko kaya hindi ako nakapag suot ngayon.

Agad ko itong binaba at tumikhim, "bago lang ito eh, tapos nadumihan na " tunog pagmamakaawa o dahil ngayon lang ako sinapian ng hiya.

"Labhan mo na lang, easy." Aniya.

"Madali sa'yong sabihin kasi marami kayong sabong panglaba,"

"Di bilhan kita ng maraming sabon. Easy." Kanina pa yang easy niya ha.

"Ikaw mismo ang bibili? Pera mo?" panigurado ko sa kanya.

"Eh kung yan naman pala ang problema mo eh di bibilhan kita habang nasa convenient store pa tayo, easy."

"Bilis naman yan pre, hindi mo yan ginagawa sa iba," sabat naman ng kasama n'ya na naka ponytail ang buhok at may hikaw din sa kanyang kaliwang kilay. Meron sa tenga, meron sa kilay. Iba din.

" Kapag inggit, pikit ka na lang dude."

"Gago ka talaga Carlos," natatawa na naiiling nitong sabi ng kaibigan niya.

Binalingan ako ng lalaki na tinawag kanina na Carlos at tinititigan ako habang nakataas ang isang kilay kung saan banda ang kanyang piercing.

"Ano na miss? Is it a deal or no deal?"

"Pwede naman," sabi ko na walang alinlangan, para makauwi na ako ng bahay. Baka mamaya nasa bahay na si mama at magagalit na hindi pa ako nakauwi.

Lumapit ito sa akin at ako naman panay atras hanggang naramdaman ko na lang ang likod ko na nakahaligi na sa kanyang kotse.

"A.. ano?" tanong kong nauutal dahil naguguluhan sa kinikilos nito. Gusto mo yatang masipa sa itlog, umayos ka.

"Paano yan, unfair naman yata iyon miss. Ako pa ang bibili ng sabon mo. Paano naman ang baby na sinaktan mo? Anong magagawa mo diyan?" saad niya habang nilalapit ang bibig niya sa tenga ko.

"A.. ano b.ang gagawin ko diyan? Eh sa nainis ako kanina." saad ko sa pabulong na boses, umirap ako sa kawalan dahil sa ibang rason.

Kanina ang tapang ko tapos ngayon nanginginig ang mga paa ko, lalo at mabango itong lalaking ito.

Samantalang ako, hindi ko alam baka halo-halong putik at lababo itong amoy ko. Nakita kong bumalik ang lalaki sa convenient store kaya kami na lang dito sa parking park.

"Hmm, alam ko na. Bibilhan kita ng sabon, kung gusto mo pa lahat na sabon na nasa store na yan bibilhin ko pero dahil may kasalanan ka sa baby ko at para mawalan ng bisa ang kaso mo dito, dahil for sure kung nasa barangay tayo, patong-patong ang magiging kaso mo miss mataray, so, isa lang naman ang kapalit… " saad nito habang nakangisi at papalit ang tingin sa mata ko at labi?

"Anong kapali—"

"Kiss me–"

"Huh?"

"Kiss…"

"Anong sa.sabi mo?" Medyo napalakas ang tanong ko. Hindi naman yata ako nabingi at tama ang narinig ko.

"I said, kiss me like french kiss? Kapalit sa pagbabayad ng kots—ouch... f**k" sigaw nito sa sakit.. Paano ba naman kasi na sipa ko siya sa may pagitan ng hita niya.

"Bastos ka ha, sa'yo na yang sabon at kiss mo, manyak ka," pagkatapos kong sabihin yun dali-dali akong nagpara ng jeep para hindi niya ako mahabol. Mabuti na lang at may dumaan pa.

Habang umaandar ang jeep ay saka ko pa nakita ang lalaki na kasama ng manyakis na yun na lumabas sa convenient store.

Gusto kong sabihin kay kuya driver na bilisan dahil baka hahabulin nila ako pero baka naman magtaka ito at pabababain pa ako dahil natunugan niya na may nagawa akong kasalanan. Lalo at may mga kasakay pa naman ako.

Kung sino man ang bastos na lalaki na yon ay sana hindi na magkita ang landas naming dalawa.

CARLOS POV:

"f**k, shit.. shit.. lang ang birdie ko. Ang sakit tangna ang babae na 'yon." Kausap ko sa sarili ko.

"Anong nangyari sayo parekoy? Saan na ang diyosa na nahulog mula sa Ulap?" Tanong ni Vincent sa akin.

"Help me dude, ouch..sakit ng alaga ko. Sinipa ng babaeng 'yon," sumbong ko sa kanya pero ang gago tumawa lang. Kung wala lang masakit sa akin ngayon, ibalibag ko na ito.

"Tinalo ka sa isang babae? Akala ko ba malakas ka, duwag mo naman pala lalo sa babaeng nakilala mo lang kanina." Pang-aasar nito. Kilala my ass na hindi ko nga alam kung ano ang pangalan nun at saan nakatira dahil sa isang problema niya lang na nadumihan daw ang damit niya.

Samantalang ako, ang baby Lexus ko ang sinaktan niya. Kung tao lang ito umiiyak na ito. Malapit na matanggal ang kanang salamin. Ngayon sino ang maging masaya na ganito ang nangyari sa inalagaan ko at masisira lang dahil sa isang babae.

Pambihira, ang mga chikabebs ko inaalagaan ako kahit kakakilala lang namin, pero iyon? Nabawasan ang angas ko ah.

"Isa pang pang-aasar diyan. Tiklop ka talaga sa akin. Tulungan mo na lang ako dude at ikaw na ang magmaneho. Sakit talaga ng itlog ko na sinipa ng babae na yun na parang nanalo na yata ng ilang beses sa isang martial arts. Ang bilis ng pangyayari at hindi ko napansin na sisipain niya ako," wika ko.

Wala ng sinabi si Vincent at inalalayan akong makaupo sa front seat, pasalamat kang babae ka at hindi agad napipisa ang itlog ng lalaki. Birhen pa ito tapos tatapusin mo lang sa isang sipa.

"Bakit ka ba niya sinipa? Wala namang dahilan na gawin niya yan sa'yo. You offered something kanina lang, ayaw niya ba?" Tanong ulit niya.

"Ok na kami na bibilhan ko siya ng sabon at sinabi ko lang naman na para mawalang bisa ang ginawa niya sa baby ko ay gusto ko lang naman ng french kiss niya, kaya ayun." Sabi ko. Gets naman niya siguro ang ibig kong sabihin.

"So, ano ang balak mong gawin niyan? Siya na nga ang may kasalanan na triple ka pa ngayon. Buti na lang at hindi napuruhan yang alaga mo pare, no more chicks era ka na sana niyan," natatawa nitong sabi.

"No way dude, hindi pwede sa isang babae na yun masisira ang kagwapuhan ko."

"Ano nga ang gagawin mo?"

" Easy! Revenge dude revenge." Natatawang sabi ko.

"Eh paano ka makaka revenge na wala na at tinakasan kapa nga, bigla ba namang umalis, yun pala?" naiiling na lang ang gagong ito.

"Easy! Anong silbi sa kinuha kong kurso na IT kung hindi ako marunong sa computer. Kahit saan pang lupalop sa mundo nagtatago ang magandang babae na iyon ay mahahanap at mahahanap ko talaga siya" panigurado ko.

"Revenge ba talaga o there's more? Baka mamaya niyan, ma inlove ka sa kanya?"

"Ako ma inlove? Impossible yan dude, revenge lang talaga, dahil hindi lang ang baby ko ang inaway niya, pati itong birdie ko sinaktan niya pa. Ouch! Baka isang linggo ako nitong hindi magsusuot ng brief o boxer short."

"Langya! Napuruhan ba talaga? Bakit hindi mo sinagang yang mga braso mo para hindi tamaan yang alaga mo." tawang-tawa nito na sabi.

"Gusto mo ipasilip ko pa sayo, hindi naman siguro. Basta masakit siya. Bilisan mo na lang ang pagmamaneho mo at sabihin mo na lang sa mga kaibigan natin na cancel ang inuman mamaya." saad ko.

Dahil mamayang gabi, hindi ko na siya patutulugin dahil magkakalap na ako ng maraming impormasyon tungkol sa babae na iyon.

"Okay, sabi mo yan ha at bawal ma in love, tingnan natin kung kaya mo. Balitaan mo na lang ako kung ano ang kinalabasan sa muli niyong pakikita." saad niya at pinaharurot ang sasakyan papunta sa bahay namin.

Yeah, revenge lang talaga. Hintay-hintay lang sa aking paghihiganti. Prepare yourself lady. Soon our eyes meet again.

"Oh, para sa madaliang pagkikita niyong dalawa." may inabot si Vincent sa akin.

" Ano ito? ID? Oh." tadhana ba naman. "Paano mo to nakuha sa kanya? Don't say… ?" pagdududa kong tanong sa kanya.

"Easy pare, siguro habang pinaghahampas niya ang sasakyan mo ng kanyang bag ay hindi niya namamalayan na nahulog na pala ang ID niya at may nakita pa nga akong lipstick pero hindi ko na nadampot kasi nasa putikan na." Aniya.

Lumundag naman sa saya ang puso ko dahil sa hindi na ako pinabayaan ni Lord na magdamag sa computer para lang mahanap ang address ng babae na 'yon. Thank you Lord, the best ka.

"Isauli mo yan ha, baka kailangan niya yang SSS at wala siyang maipakita, kawawa naman." paalala niya sa akin. Gusto ko tuloy umirap dahil concern siya sa babae na yon. Dapat ako lang eh.

"Don't worry, ako na ang bahala dito. Hmm,,,Clovett SALMIGAN. Nice name huh," basa ko sa pangalan niya.

Napunta ang paningin ko sa kanyang photo. Kahit sa picture niya ang siga talaga ng babaeng ito. Galit ba ito sa mundo at hindi man lang nakangiti.

"Anyway, thanks bro."

"No problem, basta revenge lang at h'wag mo siyang saktan sa ibang bagay." saad niya pa. Saktan? Bakit ko naman siya sasaktan at saan na ang revenge doon kung hindi siya magdusa sa mga kamay ko. I smirk.

Kanina matamlay ako kaya niyaya ko ang mga barkada na mag-inuman sa bahay kaya nagpasama ako kay Vincent na bumili ng chichirya pero iba naman pala ang plano ng tadhana.

See you my dear Clovett Salmigan. I'm Carlos Jasper Jr aka gwapo and welcome to my life darling.