Austeja
Wala akong nagawa nang kaladkarin ako ni Landon patungo sa kung saan. Saka ko lang rin naalala na may hawak akong baso noong kunin niya iyon mula sa kamay ko at ipinatong sa isang lamesa. Huli na noong pumasok sa isipan ko iyong sinabi ni Zigger. Hindi ko man lang nagawang basagin sa mukha ni Landon ang baso katulad no'ng ginawa ng pinsan ko kay Ivan.
Pero mukhang hindi ko rin naman iyon magagawa kahit na tangkain ko. Bukod sa may dalang baril si Landon, malaki rin ang pangangatawan niya. Bago ko pa siguro maihampas ang babasaging baso sa kanya, nasipa o hindi naman kaya ay nabalian na niya ako ng buto.
Hindi na ako magtataka kung papaano siya nakapasok rito nang may dalang baril. Hindi naman talagang nagchi-check iyong mga guards sa entrance nitong lugar kanina.
Kaya naman kah
