Katatapos ko lang kumain at paakyat na ulit ako sa aking kwarto. Saktong pagpasok ko ay tumunog ang phone ko kaya dali-dali kong binuksan dahil baka si Nara na ito. At hindi nga ako nagkamali, kaagad kong sinagot ang tawag niya.
“Riya, naayos ko na ang audio. Ipapadala ko na sa’yo ngayon din.” Wika niya sa akin.
“Sige salamat Nara, salamat sa tulong mo.”
“Welcome basta kapag kailangan mo ng tulong tawagan mo ako agad.”
“Okay, copy.”
Pagka-end ko ng call ay sunod-sunod na dumating ang video na pinadala niya. Nagpunta ako sa bag upang kuhanin ang headset ko upang marinig ko ang usapan nila sa loob ng interrogation room ng malinaw. Pagkatapos ay nilakasan ko ang volume sa tenga ko. Naupo ako sa di gulong na upuan pagkatapos at kaagad kong pinindot ang play button.
“Boss, anong gaga
