Revenge of a Battered Wife
By: JOEMAR P. ANCHETA (Pinagpala)
CHAPTER 23
Hinawakan ni Aling Pacing ang kamay ko. Mahigpit ang kanyang pagkakahawak sa akin. Nakita ko sa mga mata niya ang takot at pagkalito.
“Bitiwan ninyo ako Aling Pacing. Tama na ang pagtatakip sa kasalanan ng alaga ninyo. Tama na ang pagkukunsinti sa kanya! Tama na ang takot!” pilit kong tinanggal ang kamay niya sa akin ngunit hindi niya ako binibitiwan.
Mabilis na tumayo si Joana. Ginamit niya ang kanyang kamay para sakalin at ilayo sa akin ang matanda.
“Dali! Tumakas ka na! Ako na ang bahala! Dalian mo! Takas na!”
Kinuha ko ang tsinelas ni Aling Pacing. Isinuot ko iyon at kahit mahapdi ang aking mga paa ay pilit kong inihakbang ang mga ito palayo. Naka
