Revenge of a Battered Wife
By: JOEMAR P. ANCHETA (Pinagpala)
CHAPTER 24
Bumulagta ang matanda sa harap namin. Hindi ko iyon inaasahan. Hindi ko maisip na ganoon talaga kasama ang lalaking pinakasalan naming. Bumuhos ang luha ko kasabay ng matinding takot habang nakikita ko ang matandang nangingisay sa sahig at naliligo na sa kanyang sariling dugo. Nakatingin siya sa amin. Waring sinasabi niya na tama siya sa kanyang ipinapayo. Na hindi dapat padalos-dalos ang pagtakas. Agad akong nakonsensiya. Hindi ko matagalang tignan si Aling Pacing na noon ay lumalaban pa sa kanyang buhay. Hawak niya ang pa ani Jaxon na para bang nagmamakaawa. Hanggang sa tuluyang nahulog ang kamay ni Aling Pacing at bumagsak ito sa sahig. Napapikit ako. Lalong humigpit ang yakapan namin ni Joana.
