Revenge of a Battered Wife
By: JOEMAR P. ANCHETA (Pinagpala)
CHAPTER 13
Huminga ako ng malalim. Umayos ako ng higa. Hinawakan ko ang mukha niya. Tama siya. Kailangan kong lakasan ang loob ko sa mga mapanghusgang kaibigan at kamag-anak niya. Hindi ko na tuloy alam kung sinusubukan niya ako o paunti-unti na niyang nilalabas ang tunay na siya.
Kinabukasan, napakabait pa rin niya sa akin. Sinusubuan pa niya ako ng pagkain. Lagi akong nakakandong sa kanya. Bine-baby niya ako. May mga regalo pa siya sa aking mga alahas. Gusto niya lagi siya sa aking nakayakap. Ramdam ko ang kanyang pagmamahal sa akin. Nawawala sa isip ko ang kanyang mga sinabi kagabi. Napaniwala niya akong ang lahat ng kanyang sinabi ay isang pagsubok lang na maari kong marinig sa kanyang mga kama
