Revenge of a Battered Wife
By: JOEMAR P. ANCHETA (Pinagpala)
CHAPTER 20
Natikman ko ang maalat-alat na dugo mula sa aking ilong at bibig. Kahit pa hirap na hirap ako ay bumangon ako. Padausdos akong lumapit sa kinalalagyan ng naipon kong pera. Habang nasa banyo siya, kailangan kong maihanda na ang sarili ko sa pagtakas. Aalis ako ngayon na. Buo na ang plano ko. Pupunta muna ako sa police station, magpa-blotter muna ako. Makita nila ang sugat ko at mga pasa. Aalis ako. Tatakas ako ngayon din. Hindi ako dapat magaya sa mga babaeng alam kong pinatay ng demonyong asawa ko.
Mabilis akong nagdamit. Natataranta ako. Wala sa aking sariling ulirat. Basta ang nasa isip ko ng pagkakataong iyon ay makatakas. Kailangan kong makaalis na sa impyernong bahay na ito. Paika-ika akong lumab
