Maayos naman ang naging takbo nang shift ni Ayen kasama ang dalawa niyang kaibigan. Inabala niya ang sarili sa pagba-back up ng mga kakailanganin ng panggabi mamaya. At dahil abala siya sa kaniyang ginagawa, hindi niya namalayan na uwian na pala ng kaibigan. Kung hindi pa ito nagpaalam ay hindi niya malalamang alas kuwatro na pala ng hapon. Ibig sabihin tatlong oras na lang ay uwian na rin niya.
“Playmate, ayaw man kitang iwan, pero kailangan eh. Kuwentuhan mo ako bukas ha?” tinukso pa siya nito bago umalis.
“Oo ku-kuwentuhan kita, ‘wag kang mag-alala,” bumubungisngis naman niyang sagot dito.
Nagpaalamanan na sila ni Angie bago siya muling bumalik sa trabaho. Ilang minuto lang ang nakalilipas, at sunod-suod ang naging pagtunog ng POS mula sa hot kitchen. Agad naman niyang pinuntahan iy
