Kinabukasan maaga uling bumangon si Ayen at nag-ayos ng sarili. Nakapagluto na rin siya at naihanda ang kaniyang baon sa pagpasok. Kaya eksaktong alas otso, ay lumabas na siya ng kanilang bahay para roon na mag-abang kay Bernie. Tamang-tama rin naman ang kaniyang paglabas dahil kararating lang nito at naka-motor ito.
‘My gulay! Diyan kami sasakay? Ibig sabihin mayayakap ko ang katawan niya? Eeeeiii!’ malanding tili niya sa kaniyang isipan.
“Diyan tayo sasakay?” alangang tanong ni Ayen kay Bernie.
“Oo. Bakit may problema ba?” nag-aalala namang tanong nito sa kaniya.
“Ahhh, wala naman. Tara na!” umiiling niyang sagot sa lalake at saka pinasaya ang kaniyang boses kahit na kinakabahan siya ng very, very light.
Sumakay ito sa motor bago siya inalalayang umangkas sa likurang bahagi ng motor
