Kinabukasan, muling sinundo ni Bernie si Ayen sa kanilang bahay upang ihatid sa kaniyang trabaho. Siyempre kilig to the highest level na naman ang nararamdaman niya. Hindi pa nga siya nakaka-move on sa nangyari kagabi, heto’t kilig na kilig na naman siya. Nang makarating sila sa BSC, inalalayan siya nitong makababa mula sa likurang bahagi ng motor nito.
“Thank you sa paghatid,” sabi ni Ayen nang makababa siya mula sa motor nito. “Susunduin mo ba ako mamaya?” Bigla niyang natutop ang kaniyang bibig nang magulat sa kaniyang sinambit.
‘Oh em gee! Ayen, ang bibig mo!’ sermon niya sa kaniyang sarili.
Maluwag naman ang pagkakangiti ni Bernie sa mga labi nito nang tingnan siya nito. “Kahit hindi mo itanong, susunduin pa rin talaga kita mamaya.” Kinindatan pa siya nito at saka hinaplos ang kan
