Agad siyang inalalayang makaupo ni Bernie nang matapos silang mag-order kanilang kape at cake. Maganda naman ang puwestong nakuha nito dahil napaka-relaxing ng upuang may mataas na sandalan at malambot na texture. Pati ang view sa labas ng coffee shop na natatanaw niya mula sa loob niyon ay napakaganda rin dahil sa mga halamag namumulaklak sa paligid niyon.
“Ito na po ang inyong coffee and oreo cheesecake,” pukaw ng server na naghatid ng kanilang orders sa kanila.
Maingat na inilapag nito ang kanilang mga kape at cake bago ito umalis sa kanilang harapan. Agad niyang dinampot ang may kataasang baso saka nakapikit na sininghot ang aroma ng kape.
“Hmmm, ang bango talaga ng kape. White Chocolate Mocha?” tanong niya kay Bernie saka dahan-dahan siyang nagmulat ng kaniyang mga mata. Kabisado
