SA kabila ng kalituhan sa muli nilang pagkikita ni Ethan ay excited na tinungo ni Zoe ang master's bedroom para isorpresa ang inang natutulog daw. Hindi niya alam kung bakit ito man ay hindi rin niya makontak noon para ipaalam ang pag-uwi niya. Ngunit isa lang ang nasisiguro niya.
Matutuwa ang Mommy Dahlia niya kapag nakita siya.
Nang makarating sa loob ng bahay, kahungkagan ang nadarama ni Zoe nang makitang halos iilan na lang ang natitira sa mga mamahaling muwebles noon. Bukod sa sofa, center table, at TV rack ay wala nang ibang makikita roon. Kung tutuusin ay puwede na iyong gawing dancefloor sa sobrang lawak at bakante. Parang hindi na sapat ang salitang "mansiyon" para ilarawan ang kanilang bahay.
Dahil sa pagkawala ng mamahaling muwebles at appliances ay nawala na ang karangyaan
