"YOU'RE here," nakangiting sabi ni Ethan nang makababa ng hagdan si Zoe. Nangingislap ang mga mata nitong nakatuon sa kaniya.
Napalunok si Zoe habang nakakaramdam ng hiya. God, ano na lang ang iisipin ng lalaki sa pagbaba niyang iyon?
"Akala ko, hindi ka na bababa," dagdag pa ni Ethan. Tila hindi makapaniwalang sinuyod siya nito ng tingin.
"M-magpapahangin lang ako sa labas," pagsisinungaling ni Zoe at umaktong didiretso palabas ng bahay. Pero mas mabilis na nakatayo ang binata at walang ano-ano na hinuli siya. Maliksi na iniangat nito mula sa sahig ang mga paa niya. "Ethan!" Napatili siya nang magsimula itong maglakad papunta sa bar counter na karga-karga siya.
"Bakit ka nga ba talaga bumaba, Zoe?" nanunuksong tanong ni Ethan habang nakayakap sa baywang niya ang mga braso nito.
"Gus
