Jessica Quinn’s POV
“Ma’am Jessica, may tanong ho ako,” ani ni Manang.
Napatigil ako sa pagbabasa sa ipad ko rito sa gilid ng pool area at napatingin kay Manang na naglilinis ng swimming pool namin. Lumingon sa akin si Manang na may pag-aalangan pa sa mukha.
“Ano ‘yon, manang?” tanong ko.
“Bakit parang madalas ang pagpunta rito ni sir Klaus? Wala naman dito ang kapatid niyo.”
Ipinatong ko sa ibabaw ng lamesa ang ipad ko at ang apple pen ko. Paano ko naman sasabihin kay Manang na ako nga ang pakay ni Klaus dito at gusto niya ko? Siguradong makakarating kay Kuya ‘yon at ayokong malaman ni Kuya.
“Manang, pwede bang h’wag niyo na lang ipapaalam kay Kuya na madalas si Klaus dito? Pwede bang paki-sabihan na rin ang iba na h’wag ipapaalam kay Kuya ang bagay na ‘yon?”
Mabilis na tumango
