Kabanata 32
"Kuya! Ah!"
Nahinto siya nang marinig niya ang sigaw ng kapatid, pati na ang malakas na busina ng isang motorsiklo. Nang lingunin niya si Lyn ay nakaupo na ito sa sahig habang ang motor naman ay natumba sa kalsada.
"Lyn!" malakas na tawag niya at agad na tumawid sa kabilang kalsada. Sobrang kinabahan siya ng husto.
Nang makita niya ang itsura ng kapatid ay nahabag ang kalooban niya. Ang galit na nararamdaman niya kanina'y napalitan ng pag-aalala. May sugat sa tuhod ang si Lyn at may gasgas sa kaliwang braso.
Ang driver naman ng motorsiklo ay tinulungan din ng iba para makatayo at maitabi sa gilid ng kalsada.
Agad niyang inalalayan si Lyn na makatayo.
"Ayos ka lang ba ha? May masakit ba sa iyo?"
"Konting gasgas lang 'to Kuya," sagot naman nito.
"Tara! Dadalhin k
