Kabanata 56
Kinuha niya ang tuwalya at naligo dahil baka sakaling mahimasmasan siya. Sa ganoon man lang ay gumaan ang kanyang pakiramdam.
Pagkatapos niyang maligo ay inilabas niya na ang mga binili sa kanya ni Dominica. Nahihirapan siyang pumili. Hindi niya kasi alam kung ano ang posibleng susuotin nito. Inilapag niya ang mga ito sa ibabaw ng kanyang kama. Kumikit-balikat siya at pinili na lamang ang kulay itim na tuxedo.
Nagsimula na siyang magbihis. Konting oras na lang kasi at magsisimula na ang party. Susunduin pa naman niya si Dominica.
Pagkatapos niyang magbihis ay lumabas na siya ng kanyang kuwarto. Bago kasi niya sunduin ang dalaga ay kukunin pa niya muna ang sasakyan na kanyang hiniram.
"Ay iba rin," kumento pa ni Leo nang makita siya.
"Bagay ba?"
"Bagay na bagay! Ikaw
