CASSANDRA
Tinanaw ko ang papalayong likuran niya. Hangang sa makita ko si Felix na papasok pa lang din. Sandali silang nagkatinginan ngunit agad din na nag-iwas ng tingin si Tyron at nagpatuloy sa paglalakad palabas. Nakahinga ako ng maluwag nang hindi ko na siya matanaw.
“Bakit pumasok ka? Hindi pa magaling ang mga sugat mo.” Wika ko kay Felix pagkalapit niya sa akin.
“Malayo ito sa bituka.” Tipid na sagot niya sabay pasok sa loob ng classroom. Pagbaling ko ay mga nakatingin na sila sa akin.
“Siguro naman wala ka nang duda kay Cassandra, Erica. Nakita mismo ng mata nating lahat kung paano higupin ng isang Tyron Dela Costa ang napaka-suwerte nating classmate!” nakangising sabi ni Stacey na lalong ikinapula ng mukha ko dahil sa hiya.
“Whatever! Siguradong ginayuma niya si Tyron o di
