"A-Ano ang ibig mong sabihin?" kinakabahang tanong ni Brianna kay Alejandro.
Nanatili siyang nakaupo sa kama habang ang binata ay nakatayo sa kanyang harapan. Bakas sa mukha nito ang kaseryosohan tanda na hindi biro ang mga sinabi nito.
"You heard me, Brianna. Hindi ko kailangan ulitin ang mga sinabi ko," wika nito sa mariing tinig.
Marahan siyang napailing. "H-Hindi maaari. Ang usapan ng tiya ko at ng lalaking nagdala sa akin sa yate ay isang gabi lang."
Pilit niyang nilakipan ng tapang ang kanyang tinig kahit pa hindi rin naman siya sigurado sa kanyang mga sinabi. Katunayan ay hindi niya talaga alam kung ano ang usapan ng kanyang Tiya Nimfa at ng lalaking kumuha sa kanya.
Ang alam niya lang ay siya ang magiging kapalit ng perang ibinigay sa kanyang tiyahin na ginamit para sa operasy
