Isa-isang pinasadahan ng tingin ni Alejandro ang pitong lalaking nasa kanyang harapan. Lahat ay nakatayo nang tuwid habang tahimik na naghihintay ng ano mang sasabihin niya. Pinaglipat-lipat niya pa ang kanyang paningin sa mga ito. May taglay na kakisigan ang bawat isa na wari ba ay laging laman ng gym at batak sa mabibigat na trabaho.
And that was what he needed. He needed men that he could rely on.
Kung tutuusin ay marami silang tauhan na miyembro din ng kanilang organisasyon. Lahat ng mga iyon ay maaasahan sa pakikipaglaban. Ngunit hindi niya gustong magtiwala sa mga ito ngayon. Hindi niya alam kung sino sa mga tauhan niya ang hawak ng kanyang Uncle Dimitri at ng kanyang kapatid na si Konstantin.
Kaya naman, sa halip ay ipinaubaya niya kay Carlo at Lemuel ang paghahanap ng ilang kala
