[Crimson]
"C-Chase? Kanina ka pa nakikinig?" mabilis ko siyang nilingon at napalunok na lamang. Umaasa akong sana hindi niya narinig ang mga pinaguusapan namin ni Manang lalo na nang mabanggit ko ang sakit na naramdaman niya noon.
Pinakatitigan niya lamang ako nang seryoso at napansin kong medyo umigting din ang panga nito. "Don't worry, wala akong narinig sa usapan niyo ni Manang. And if you're confessing your feelings, I won't stop you."
Daig ko pa ang nabunutan ng tinik sa naging tugon ni Chase. "B-Bakit ka nandito? May k-kailangan ka ba?" nauutal kong tanong sa kaniya ngunit bigla niya nalang akong hinila at dinala pabalik sa kaniyang kwarto.
Mukhang seryoso nga ang paguusapan naming dalawa dahil hindi pa rin natitinag ang malalim at nakakakaba niyang ekspresyon. Hindi ko tuloy mai
