[Crimson]
Inabot na kami ng tanghali sa amusement park pero halatang hindi pa rin napapagod sa kakaikot ang kapatid ko. Mukhang gusto talaga nitong sulitin ang ticket na binili para sa kaniya ni Chase kung kaya halos lahat ng ride na makita nito ay gusto niyang subukan.
"Masaya ka ba, Niccolo?" may galak kong tanong nang mapansing namilog na naman ang mata nito sa mga nakikita niya.
Kahanga-hanga naman din kasi ang ganda at lawak ng amusement park na ito. Hindi ko rin mapigilang huwag hangaan ang may-ari dahil patuloy pa rin ang kagustuhan nitong magpasaya ng maraming tao sa kabila ng madilim na mundong ginagalawan namin ngayon.
Tumango si Niccolo. "Oo naman po, Ate! Sobrang saya ko po ngayon! Madami pa po ba tayong sasakyang rides?"
Sinuklian ko ang liwanag na nagmumula sa mga mata n
